Este xoves a Biblioteca Xela Arias celebrou un animado e divertido obradoiro de ciencia, da man de Ciencia Divertida.
Nenos e nenas entusiastas, de entre 6 e 12 anos, encheron as inscricións, que deixaron en moi pouco tempo de estar dispoñibles. Os participantes gozaron dunha tarde moi animada curioseando na vida e na obra de Jules Verne e vivindo experimentos científicos moi interesantes.
As bibliotecas quixemos facer, con este obradoiro, unha chiscadela de recordo e recoñecemento a un persoeiro, Jules Verne, tan querido en Redondela, por incluir a enseada de San Simón na súa famosa obra “20.000 leguas de viaxe baixo os mares”.
Os monitores do obradoiro
Velaquí un dos momentos máis emocionantes da actividade 😁
O taller gustou moito aos participantes, que gozaron do aprendido e quedaron con gañas de moito máis.
A biblioteca dispuxo para o obradoiro dun gran número de libros do seu fondo sobre Jules Verne e tamén sobre ciencia adaptados ás idades do grupo.
A actividade tivo lugar na biblioteca grazas ao programa Ler Conta Moito, da Rede de Bibliotecas de Galicia.
