![23_Xunta_de_Galicia_Rede_de_Bibliotecas_Públicas_de_Galicia_cor](https://bibliotecas.redondela.gal/wp-content/uploads/2024/02/23_Xunta_de_Galicia_Rede_de_Bibliotecas_Publicas_de_Galicia_cor-600x211.png)
CATÁLOGO
O CATÁLOGO das bibliotecas de Redondela atópase insiro no catálogo colectivo da Rede de Bibliotecas Públicas de Galicia (rbgalicia). Desde o mesmo, podedes buscar calquera tipo de documentos (libros, material gráfico, audiovisuais, rexistros sonoros,…) tanto das bibliotecas de Redondela como de calquera outra biblioteca incorporada á devandita Rede.
![galiciale](https://bibliotecas.redondela.gal/wp-content/uploads/2021/03/galiciale.png)
GALICIA LE é a plataforma de préstamo de libros, revistas, audiolibros e películas en formato electrónico das bibliotecas públicas galegas que ten por obxectivo facilitar o acceso de toda a cidadanía á cultura.
GaliciaLe proporciona un servizo de préstamo temporal de obras en formato dixital de temáticas diversas no que os intereses de todas as persoas lectoras terán o seu espazo (ficción, informática, historia, ocio etc.) e todas as idades o seu lugar.
En GaliciaLe atoparás dous catálogos: un que contén o “Catálogo galego” e outro que aloxa o “Catálogo en castelán”. As obras incluídas nestas dúas contornas poderán lerse e visionarse en dispositivos compatibles: tabletas, teléfonos móbiles e ordenadores persoais. No caso dos libros, poderás facelo, ademáis, desde un lector de libro electrónico.
Para poder acceder a GaliciaLe cómpre:
- Ser usuario/a con carné dunha das bibliotecas da Rede de Bibliotecas Públicas de Galicia. En caso de que non dispoñas del, podes dirixirte á biblioteca pública máis próxima que forme parte desta Rede e solicitar o teu carné.
- Ter un dispositivo compatible (tableta, ordenador persoal, lector de libro electrónico, teléfono móbil etc.) e unha conta de correo electrónico.