As Bibliotecas Municipais de Redondela lanzan, a proposta dos Amigos das bibliotecas Municipais de Redondela, o gran RETO LECTOR 2023.
Un reto no que podedes participar as lectoras e lectores maiores de idade que vos pasedes pola biblioteca e que vos animedes a ler todos (ou todos os que podades) os libros que vos propoñemos neste calendario lector anual.
Non é preciso que vos axustedes ás datas propostas (podedes ler todo xunto no mesmo mes, se vos presta 😁), nin que sigades a orde suxerida (podedes axeitar cada lectura ao mes que vos apeteza máis 😏).
Con cada libro tomado en préstamo que se axuste a cada unha das propostas, recibiredes, ao devolvelo lido á biblioteca, un selo no voso calendario lector. Calendario do que vos faremos entrega nas nosas bibliotecas, pero que podedes tamén descargar AQUÍ. ou AQUÍ.
As persoas lectoras que sexades quen de completar o calendario recibiredes un agasallo da biblioteca, e participaredes nun sorteo ao rematar o ano.
Animámosvos a que compartades a experiencia de cada lectura. Podedes facelo nas redes Facebook ou Instagram, usando o cancelo #RetoLector2023BibliotecasRedondela.
#RetoLector2023BibliotecasRedondela
#RetoLector
#BibliotecasRedondela